YESSENOV UNIVERSITY-ДЕ БОС ЖҰМЫС ОРЫНДАР ЖӘРМЕҢКЕСІ ӨТТІ

Yessenov University түлектерінің білім беру бағдарламаларына сәйкес жұмысқа орналасуына көмек көрсету мақсатында «Мансап күні» атты Бос жұмыс орындар жәрмеңкесі өткізілді. Жәрмеңкеде Маңғыстау өңіріндегі мемлекеттік мекемелер және беделді кәсіпорындар түлектерге 140-тан астам бос жұмыс орындарын ұсынды.

 

Ашылу салтанатында Yessenov University академиялық жұмыс жөніндегі вице-президенті Макулов Қайырбек Қалданбекович пен ҚР Мемлекеттік қызмет істер департаменті басшысының орынбасары Мендалиев Ерлеген Жәрдемұлы сөз сөйледі.

 

Биыл Yessenov University бакалавр бойынша 1516, магистратура бойынша 186, докторантура бойынша 6 түлек бітіреді. Болашақ мамандардың жұмысқа табысты орналасуына жәрдемдесу – университет үшін басты міндеттердің бірі. Осыған байланысты жыл сайын дәстүрлі түрде Бос орындар жәрмеңкесін ұйымдастыру жұмыстары жүргізіледі.