Университет және азаматтық қоғам: қоғамдық келісім саласындағы сындарлы диалог тетіктері

Spread the love

16 қыркүйек күні Yessenov University “Қазақстан халқы Ассамблеясы” кафедрасы Қоғамдық келісім мен жалпыұлттық бірліктің қазақстандық моделін насихаттау жөніндегі республикалық лектория аясында “Университет және азаматтық қоғам: қоғамдық келісім саласындағы сындарлы диалог тетіктері” атты диалог алаңын ұйымдастырды.

Іс-шара университеттің азаматтық қоғам институттарымен қоғамдық келісім саласында одан әрі өзара іс-қимылының қазіргі жағдайы мен перспективалары туралы сындарлы және ашық диалогты қамтамасыз ету мақсатында өткізілді.

Аталған іс-шараға қолданбалы этносаяси зерттеулер институты директорының орынбасары, ҚХА Ғылыми-сараптамалық кеңесінің төрағасы, әлеуметтану ғылымдарының докторы Айгүл Кәкімбекқызы Сәдуақасова; ҚР Парламенті Сенатының депутаты, Қазақстанның еңбек сіңірген қайраткері Нұртөре Байтілесұлы Жүсіп; ҚР Парламенті Мәжілісінің депутаты, саяси ғылымдарының кандидаты Әбдіғалиұлы Берік; мемлекеттік органдардың, этномәдени бірлестіктердің басшылары, қоғамдық ұйымдардың өкілдері, университеттің профессор – оқытушылар құрамы мен студент жастарының өкілдері қатысты. 

Диалог алаңының жұмысы барысында еліміздің тұрақты дамуы үшін университет пен азаматтық қоғамның ынтымақтастығы мен өзара іс-қимылын сақтау және жетілдіру бойынша пайдалы ұсыныстар мен ұтымды пікірлер айтылды.