Yessenov University қабырғасында «Педагогикалық технологиялар» кафедрасының психолог мамандарымен 1-курс студенттеріне «Біз алдымызға мақсат қоя білеміз бе?» тақырыбында кездесу өтті. Аталған кездесудің басты мақсаты – жетістікке жетудегі ерік-жігер, жастардың бойындағы күйзелістің салдарын болдырмау, қиындықтардан шығу жолдарын іздестіру, алға мақсат қоя білу болып табылады. Сонымен қатар, спортпен шұғылдану, салауатты өмір салтын қалыптастыру, айналадағы адамдармен жақсы қарым-қатынаста болу, денсаулықты күту жолдары жан-жақты жеткізілді. Психолог мамандар студенттерді толғандырып жүрген сұрақтарға жауап беріп, кездесу барысында психологиялық тренингтер жүргізілді.
