1 сәуір күні Yessenov University-де Қазақстан Жазушылар Одағының төрағасы Мереке Құлкеновпен кездесу өтті.
Кездесудің басты мақсаты — «Ұлттық құндылық. Қазақ этнографиясы. Зейнолла Сәніктің 90 жылдығы» тақырыбындағы республикалық экспедиция және ақын, Мемлекеттік сыйлықтың иегері Есенғали Раушанов атындағы стипендияны тапсыру.
Аталған шараға Мереке Әбдешұлы Құлкенов, Қасымхан Сейітханұлы Бегманов, Әміржан Сағидрахманұлы Қосанов, Серік Қалиұлы Қалиев, Сұлтанбек Құдайберген және экспедиция мүшелері қатысты.
Сонымен қатар, шарада ақын Есенғали Раушановтың сөзіне жазылған әндер шырқалды.
Шара соңында Стипендия иегері — «Қазақ тілі мен әдебиеті» мамандығының 2-курс студенті оқу үлгерімі жоғары, мәдени іс-шараларға белсенді қатысатын студент Жолдыбаев Жәнібек Бегимұлына Есенғали Раушанов атындағы стипендияны табысталды.