Yessenov University-де академик Шахмардан Есеновтің 95 жылдығына арналған халықаралық конференция өтті

Yessenov University-де академик Шахмардан Есеновтің 95 жылдығына арналған халықаралық конференция өтті

14 қазанда Yessenov University-де белгілі геолог, академик Шахмардан Есеновтің 95 жылдығына арналған «Ғылыми жаңғыру: Тұлға мұрасы» атты халықаралық ғылыми-практикалық конференция өтті. Салтанатты мерейтойлық шаралар академикке арналған ескерткіштің іргетасын қалау рәсімінен басталды.

Алқалы жиынға Маңғыстау облысының әкімі Нұрлан Ноғаев, Yessenov University президенті Берик Ахметов және басқа да құрметті қонақтар қатысты.

Конференцияның басты міндеттері мен бағыттары:

• Академиктің бай ғылыми мұрасын талқылау және оның идеяларын кеңінен насихаттау
• Өсіп келе жатқан ұрпақты отансүйгіштік пен ғылымға деген құрметке баулу
• Қазақстанның мұнай-газ секторы мен геологиялық теориялар бойынша баяндамалар ұсыну
• Университет аясында ашылған, ғалымның өмірі мен еңбегін бейнелейтін музей жұмысымен танысу

Қаныш Сәтбаевтың төл шәкірті, 100-ден астам ғылыми еңбектің авторы Шахмардан Есеновтің есімі еліміздің геология саласы мен ғылымының тарихында алтын әріптермен жазылған.

Ұлы ғалымның мұрасы — болашақ ұрпақ үшін сарқылмас білім мен шабыт көзі!