Yessenov University-де Қазақстан мен Германия арасындағы «жасыл» сутегі ынтымақтастығына арналған Ақтау диалогы өтті

Yessenov University-де Қазақстан мен Германия арасындағы «жасыл» сутегі ынтымақтастығына арналған Ақтау диалогы өтті

2025 жылдың 1-3 қазаны аралығында Yessenov University базасында Қазақстан мен Германия арасындағы академикалық, ғылыми және сараптамалық ынтымақтастықты нығайтуға арналған «Ақтау диалогы: Жасыл сутегі 2025» атты үш күндік халықаралық конференция өтті. Ауқымды іс-шара жаһандық энергетикалық өтуді, жасыл технологияларды және Каспий өңірінің экологиялық тұрақтылығын талқылаудың маңызды халықаралық алаңына айналды.

Конференцияға Германия Федеративтік Республикасының Қазақстандағы Елшісінің орынбасары Ульрих Кинне, Гамбург қолданбалы ғылымдар университетінен д-р Себастьян Тиммерберг, Хоф қолданбалы ғылымдар университетінен проф. д-р Тобиас Плессинг, H2 DIPLO өкілі Мануэль Андреш және DKU Президенті проф. д-р Вольрад Роммель бастаған жетекші қазақстандық және германиялық сарапшылар қатысты.

Форумның басты бағыттары мен нәтижелері:

• Жасыл энергетика мен сутегі технологиялары: «жасыл» сутегін өндірудің ғылыми-практикалық әлеуетін, таза энергия көздеріне өтудің технологиялық шешімдерін зерделеу
• Каспий теңізінің экологиясы: теңіз экожүйелерін, биоалуантүрлілікті сақтау және климаттың өзгеруіне бейімделу бойынша экологиялық ұйымдармен біріккен ұсыныстар дайындау
• KINI институты және академикалық ұтқырлық: Германия ЖОО-мен қос дипломды бағдарламалар, академикалық ұтқырлық және студенттердің неміс өндірістік орталықтарында тағылымдамадан өту мүмкіндіктерін талқылау

«Ақтау диалогы: Жасыл сутегі 2025» конференциясы Yessenov University-дің «жасыл» энергетика саласындағы халықаралық ғылыми зерттеулерді ілгерілетудегі және Қазақстан мен Германия арасындағы стратегиялық серіктестікті нығайтудағы жетекші рөлін айқындады.

Халықаралық форум жұмысының сәтті өтуімен университет ұжымын құттықтаймыз!