ҮББИ негізгі кызметі мамандардың білімін көтеруді ұйымдастыру, өткізу және кәсіби даярлау, кайта даярлау мен кәсіби дайындық деңгейін бағалау болып табылады.
Кәсіби біліктілікті көтеру жоғары және орта техникалык білімі бар сала мамандарының теориялық және іс-тәжірибе дағдыларын жетілдіру мен тереңдетуді көздейді.
Университеттің профессорлык-оқытушылар кұрамы мамандандырылған ғылыми-педагогикалық кадрлардан жасақталған. Білім беру үрдісінде мамандардың білім берудегі кәсіби құзіреттілігі мен заманауи талаптарын жетілдіруге бағытталған білім беру мен қайта даярлаудың косымша білім беру бағдарламалары қолданылатын болады.
ҮББИ университет базасында және одан тыс аймақтар мен мекемелерге шығу арқылы білім берудің мамандандырылған қысқа мерзімді курстар кезеңдерін ұсынады. Тыңдаушылар жеке білім алу немесе ғылыми бағдарлама бойынша оқи алады.
Сабақтар интербелсенді дәрістер, семинарлар, семинар-практикумдар, тренингтер, шеберлік дәрістері, дөңгелек үстелдер мен конференциялар т.б. үлгіде ұйымдастырылады.
Еңбек нарығындағы сұраныс пен аймақтың интеллектуалдық, әлеуметтік-экономикалық даму талаптарына сәйкес жалпы оқытудың, жұмыс орны бойынша оқытудың, әркімге өзінің білім алуға бағытталған жеке әлеуетін қоғамда барынша пайдалануға көмектесетін үздіксіз білім беру жүйесін жетілдіру мен дамыту.
