18 қыркүйек күні Yessenov University-де Қазақстан Республикасының Президенті Қасым-Жомарт Кемелұлы Тоқаевтың «Әділетті қоғамға – шыншыл сөз» атты кітабын талқылауға арналған салмақты жиын өтті.
Маңызды кездесуге университет басшылығы, Ардагерлер қауымдастығының өкілдері, профессор-оқытушылар құрамы мен белсенді студенттер қатысып, ел дамуының өзекті мәселелерін ортаға салды.
📚 Талқыланған негізгі тақырыптар:
Жиын барысында кітапта көтерілген әділетті қоғам құру, азаматтық жауапкершілік, заң мен тәртіпті нығайту, білім мен ғылымды дамыту, ұлттық құндылықтарды ұлықтау және жастардың қоғамдағы рөлі туралы терең ойлар талқыланды.
💡 Пікіралмасу және басымдықтар:
Қатысушылар ұрпақтар сабақтастығы, азаматтық белсенділік және жастардың ел дамуына қосар үлесі жөнінде пікір алмасты. Әсіресе әрбір азаматтың қоғам алдындағы жауапкершілігі мен Отан болашағына қосатын үлесінің маңыздылығына ерекше назар аударылды.
Дереккөз: tolqyn.yu.edu.kz
