Сильвен Гиоге бастаған делегацияның сапары

Сильвен Гиоге бастаған делегацияның сапары

Yessenov University Франция Республикасының Қазақстан Республикасындағы Төтенше және Өкілетті Елшісі Сильвен Гиоге бастаған делегацияны қабылдады. Сапар барысында білім, ғылым және жаңа технологиялар саласындағы екіжақты ынтымақтастықты кеңейту бойынша мазмұнды сұхбат өтті.

Кездесуде келесі басты бағыттарға ерекше назар аударылды:

• Жаңа технологиялар, жасанды интеллект, бірлескен білім беру бағдарламалары мен академилық ұтқырлықты дамыту
• Францияның теңіз университеттерімен және академиларымен ынтымақтастықты нығайту
• Жасыл сутегі, өсімдік және мал шаруашылығы, сондай-ақ баламалы энергия көздері саласындағы серіктестік
• Орнықты ауыл шаруашылығына мамандандырылған француздық CIRAD ғылыми-зерттеу институтымен өзара әрекеттесу

Сапар аясында Yessenov University Nicolas Sadirac негізін қалаған инновациялық 01Edu білім беру платформасын енгізу тәжірибесін таныстырды. Жобалық және практикаға бағытталған бұл модель француз делегациясының үлкен қызығушылығын тудырды.

Бұл кездесу Қазақстан мен Франция арасындағы халықаралық академикалық ынтымақтастықты жаңа деңгейге көтеруге жол ашады!