Ақтауда Германия Президенті мен ҚР Премьер-Министрі Қазақ-Неміс институтының іргетасына мезгіл капсуласын салды

Ақтауда Германия Президенті мен ҚР Премьер-Министрі Қазақ-Неміс институтының іргетасына мезгіл капсуласын салды

2023 жылғы 21 маусымда Ақтау қаласында Германия Федеративтік Республикасының Федералды Президенті Франк-Вальтер Штайнмайер мен Қазақстан Республикасының Премьер-Министрі Әлихан Смайыловтың қатысуымен болашақ Қазақ-Неміс тұрақты инженерия институтының (KINI) құрылыс алаңында мезгіл капсуласын салу салтанатты рәсімі өтті. Бұл оқиға Қазақстан мен Германия арасындағы білім беру және технологиялық серіктестіктің жаңа кезеңін айқындады.

Жаңа институт Мемлекет басшысы Қасым-Жомарт Тоқаевтың елімізде шетелдік жетекші жоғары оқу орындарының филиалдарын ашу және жоғары білікті инженерлерді даярлау жөніндегі тапсырмасы аясында Yessenov University базасында құрылды. Институт Батыс Қазақстан аймағында заманауи инженерлік білім берудің негізгі орталығына айналады.

Жобаның стратегиялық маңызы мен басты бағыттары:

• Өңірлік индустрияны қолдау: Маңғыстауда іске асырылып жатқан «жасыл» сутегі өндірісі және энергетикалық жобалар үшін білікті инженерлік кадрлар даярлау
• Германия тәжірибесі: оқыту процесіне тұрақты даму, инженерия және қолданбалы технологиялар саласындағы озық неміс стандарттарын енгізу
• Тарихи жолдау: 2023 жылдың қыркүйегінде оқуға түсетін алғашқы бакалавриат студенттері капсула ішіндегі Әлихан Смайылов пен Франк-Вальтер Штайнмайердің бірінші түлектерге арнаған хатын 2029 жылы салтанатты түрде ашады

Университет базасында Қазақ-Неміс институтының ашылуы — жасыл трансформация мен өнеркәсіпті дамытуда жаңа буын инженерлерін даярлауға бағытталған сенімді қадам.

Халықаралық жобаның сәтті жүзеге асуымен Yessenov University ұжымын құттықтаймыз!