2025 жылдың 16 ақпаны мен 27 ақпан аралығында Үздіксіз білім беру институтының ұйымдастыруымен «Педагогика» факультеті «Жалпы педагогика» кафедрасының аға оқытушысы, педагогика ғылымдарының магистрі Шарипова Айгерим Батырсиевнаның «Педагогикалық қызметтің психогигиенасы» атты курс өтті.
Бұл курс ғылыми-практикалық бағыт ретінде педагогтің кәсіби қызметі жағдайында психикалық денсаулығын сақтау және нығайту заңдылықтарын зерттейді. Курс болашақ және тәжірибеде жұмыс істеп жүрген педагогтерде өзін-өзі реттеу, кәсіби күйіп кетудің, эмоциялық шамадан тыс жүктеменің және стресс жағдайларының алдын алу бойынша тұрақты дағдыларды қалыптастыруға бағытталған.
