2022 жылдың басынан бастап Uxiship жобасының “Kәсіпкерлік орталығы” базасында “Kәсіпкерлік” курсы аясында студенттік startup жобалар марафоны басталды

             2022 жылдың басынан бастап Uxiship жобасының “Кәсіпкерлік орталығы” базасында “Кәсіпкерлік” курсы аясында студенттік startup Жобалар марафоны басталды.

     Марафонның мақсаты – жобалық қызмет арқылы студенттік бастамаларды дамыту және жастар кәсіпкерлігін ілгерілетуге ықпал ету. Аталған марафон аясында қатысушы студенттер үшін түрлі курстар, дәрістер, инкубациялық бағдарламалар ұйымдастырылды. Марафонға командалармен 72 жоба, 200-ден астам студент қатысты.

    “Yessenov Fest -2022” жыл сайынғы фестиваль барысында 2022 жылғы 14 Мамырда Yessenov UNIVERSITY Каспий кәсіпкерлік орталығы “Yessenov Startup marathon – 2022″студенттік бизнес жобалардың көрме – жәрмеңкесін ұйымдастырды. Студенттер “кәсіпкерлік” курсын оқып, “Бизнес және құқық” факультетінің “Экономика” кафедрасының ментор – оқытушыларының және бизнес-тренерлердің арқасында қызықты, әлеуметтік-маңызды және инновациялық жобаларды көрсетті!

     Ақтау қалалық кәсіпкерлер кеңесінің бизнесмендерінен (Икаева Залина, Бисен Арман), бизнес-тренерлерден (Қуаныш Мұстафин, Айтқали Айболат, Маржан Найзабекқызы, Мұртабек Қонжанов, Түсіпбекова Шолпан) және сарапшыдан (Илькин Оружов)шақырылған қазылар алқасы студенттердің дайындығын жоғары бағалап, марафон жеңімпаздарын анықтады:
1 орын – Кайыр Еркебұлан, “Даналыққа кілт” жобасы (визуалдық кітапхана), “Ғылым және технология” факультеті
2 орын-Өтебай Оралбай, Бекқали Нұрбек, Хабиев Мирас, Қайрсапаев Ержан, Мейманбаев Әлібек Цай Владислав, Ақтанов Бекжан, Джумакулова Салтанат “SPOOKY WEB (бағдарламалау мектебі)” жобасы, “Ғылым және технология”факультеті
3 орын – Оконта Икехюквю Самсон, Ойимиве Хибузор Коллинс, Мирзагалиев Нұрсұлтан “African restaurant” жобасы, “Ғылым және технология” факультеті және “Туризм және тілдер” факультеті