Ғылыми-зерттеу жұмыстар

«Экономика және құқық» факультеті ұжымының ғылыми зерттеу жұмыстары «Менеджмент», «Мемлекеттік және жергілікті басқару», «Экономика», «Қаржы», «Есеп және аудит», «Құқықтану» және «Халықаралық қатынастар» мамандықтарын дайындау бағыты бойынша жүргізіледі.
Ғылыми зерттеу жұмысының нәтижесі оқу процесінде пәндерін оқыту барысында дәрістер қоры мен тәжірибелік сабақтарда қолданылады.
Факультеттің ғылыми-зерттеу жұмыстары бекітілген жоспарға сәйкес жүргізіледі. факультеттің профессорлық-оқытушылық құрамы жарыққа шығаратын ғылыми мақалаларын әр түрлі баспаларға, ғылыми конференцияларға жариялайды. Ғылыми жұмыс нәтижесі халықаралық және республикалық конференцияларда, конкурстарда, семинарларда баяндалады.
Студенттердің ғылыми-зерттеу жұмыстары (СҒЗЖ) кафедрада білікті мамандар дайындаудың ажырамас бөлігі болып табылады. СҒЗЖ-ның негізгі мақсаты әр студенттің шығармашылық белсенділігін дамыту, студенттердің шығармашылық қабілеттілігін дамыту, ғылыми және инновациялық үрдісті қалыптастыру үшін әр студенттің өз құқығын жүзеге асыруды қамтамасыз ету, дамыту болып табылады.
Студенттердің ғылыми жұмыстарын, баяндамаларын, рефераттарын дайындау, халықаралық ғылыми-тәжірибелік студенттік конференцияларға қатыстыру, студенттер арасында өткізілетін олимпиадаларды ұйымдастыру және өткізу, студенттерді ғылыми үйірмелерге, дебаттарға дайындау және қатыстыру және әртүрлі бағыттар бойынша студенттік баяндамалар жаздыру студенттердің ғылыми-зерттеу жұмыстарының формасы болып табылады. Студенттердің ғылыми-зерттеу жұмыстарының жетекшілері кафедралар оқытушылары, кафедра доценттері.
Факультет студенттерінің ғылыми-зерттеу жұмыстарын жетілдіру мақсатында «Табысты менеджер», «Экономикс» және «Жас қаржыгер мен бухгалтер» студенттік үйірмелері жұмыс жасайды. Студенттердің ғылыми-зерттеу жұмыстарын жетілдіру нәтижесі-студенттердің олимпиадаларға, конкурстарға, конференцияларға және де басқа да ғылыми іс шараларға қатысуы және де көп жеңіпаз студенттердің санын арттыруына әкелді.
Жыл сайын Әл-Фараби атындағы ҚазҰУ- де өткізілетін республикалық пәндік олимпиадада «Менеджмент» және «Мемлекеттік және жергілікті басқару» мамандықтарының студенттері финалдық турда жүлдегерлер атанды. Осылайша қорытындысы бойынша әртүрлі жас жүлдегерлері:
– «Мемлекеттік және жергілікті басқару» мамандығы бойынша:
2017 жыл – 2 орын (5 студент),
2015 жыл – 3 орын (4 студент),
2013 жыл – 2 орын (5 студент).
– «Менеджмент» мамандығы бойынша:
2016 жыл – 3 орын (3 студент),
2015 жыл – 3 орын (3 студент).
2013 жыл 14 наурызда Алматы қаласында өткен Т.Рыскулов атындағы ҚазЭУ университетінде V республикалық пәндік олимпиадасында Б.С.Саубетованың және Н. Х. Маулинаның басшылығымен «Инвестор» командасы (Қашаған А., Фазылбек А., Токсанбаев М) қатысып 3 орынды иеленді. 2013 жылы Қазақстан Республикасы бойынша Астана қаласында ұйымдастырушы-ЖОО «Л.Н.Гумилев атындағы Еуразия ұлттық университетінің» (ЕҰУ) аумағында «IT планета 2012/13» Халықаралық ақпараттық технологиялар саласындағы студенттік Олимпиаданың Өңірлік турына аға оқытушы Т.В. Круктың басшылығымен УА-09-2 тобының 3 студенті қатысу үшін жіберілді. Онда турдың нәтижесі бойынша Г.М Мустафаева 2 орын иеленді, ал З.Э Бегалиева мен С.Х. Джубатырова сертификат алды. Г.М. Мустафаева құрметті 3 орынды иеленді және «IT планета 2012/13» Халықаралық Олимпиада финалында қатысу үшін Қазақстанның құрама командасы мүшелігіне шақырылды.
2013 жылы 14 наурызда Т.Рысқұлов атындағы ҚазЭУ университетінде өткен VI республикалық студенттік пәндік олимпиада «Есеп және аудит» мамандығы бойынша УА-10-2 тобының студенттері Утеулиев А., Будайчиева С., Нурушова А. «МегаБух» деген командасы аға оқытушы Д.Э. Карашаевтың жетекшілігімен қатысып, 3 орынды иеленді.