Магистратура

Ғылыми зерттеу жұмыстары

«Экономика және құқық» факультеті студенттері мен магистранттары дәстүрлi халықаралық, республикалық конференциялар мен форумдарға қатысып, олимпиадалар мен әр түрлi жарыстарда жүлделі орындарды алуына, ғылыми-зерттеу жұмыстарымен айналысуына жағдай жасау факультет қызметінің маңызды бағыттарының бірі.

Халықаралық қатынас

«Экономика және құқық» факультеті шетелдік және ТМД елдерінің әр түрлі жоғары оқу орындарымен достық халықаралық байланыс орнатқан. Бүгінгі таңда студенттер мен магистранттардың шет елдерде, атап айтқанда Болгария, Латвия, Польша, Оңтүстік Корея, Испания, Венгрия, Италия елдерінің үздік университеттерінде академиялық ұтқырлық бағдарламасы бойынша білім алуға және ғылыми тағылымдамадан өтуге тамаша мүмкіндіктері бар.

Тәрбие жұмысы

Тәрбие жұмысы жалпы оқу үрдісінің құрылымдарының бірі болып табылады. Академиялық топтардағы кураторлық сағаттарында студенттердің қоғамдық өміріне тікелей қатысы бар мәселелер қарастырылады: топтық жұмыстар мен жооның тәрбие жұмысының жоспарына сәйкес ішкі тәртіп ережелері, ел өміріндегі атаулы оқиғалар, салауатты өмір салтын дәріптеу, оқу үлгерімдерін талдау, мерекелік іс-шараларға дайындық.
Кафедраның тәрбие жұмысының жоспарына сәйкес жыл сайын түрлі іс-шаралар өткізіледі: дөңгелек үстелдер, брейн-рингтер, конференциялар, олимпиадалар, кездесулер және т.б.
Факультет студенттері жастардың республикалық және жергілікті ұйымдарына, ғылыми жобалар байқауларына, әр түрлі акцияларға, спорттық жарыстарға, патриоттық әндер байқауына, көркемөнерпаздар байқауына белсенді қатысады.